එකේ පන්තිය..

ඉස්කෝලේ නම් අනූට හිතට අල්ලලා ගියා. පන්තිභාර ගුරුතුමීව හිටිය පද්මා ටීච අනූට හරිම ආදරෙයි.

හැබැයි අකුරු ලියන්නේ අකුරේ කෑල්ල කෑල්ල. මේක නම් අනූට මහා කම්මැලි වැඩක් වුනා. එයාට අප්පච්චි කලින්ම අකුරු ඉගැන්නුවානේ.

එත් පන්තියේ ඉන්න එක හරිම විනෝදයි. අනූ එයාගේ ළඟ හිටිය යාළුවන්ට අකුරු ලියන්නත් උදව් කලා. පන්තියේ හැමදාම අඬන ළමයිනුත් හිටියා.

අනූ සෙල්ලමට නම් එච්චර දක්ෂ ළමයෙක් නෙවෙයි. එයාගේ වැඩි කැමත්ත අකුරු ලියන්න, චිත්‍ර අඳින්න සහ සින්දු කියන්නයි.
මේ නිසා ගුරුතුමී අනූගේ අම්මාට පැමිනිල්ලකුත් කලා අනූ සෙල්ලම් කරන්න එන්නෙ නැහැ කියලා.